السلام عليكم ورحمه الله وبركاته انا ست بيت وفجاه ظهرت عندي رغبه في شراء ازهار للبلكونه المهم اشتريت ازهار كتير وكل ما اسئل عن اسمهم الراجل يقولي انا معرفش اسمهم انا ببيع بس ما علينا المهم عملت بحث عن اسمهم معرفتش غير نبته بنت القنصل ونبات اللوكسيا السجاده ونبات الجارودنيا ودي ظل وشجره سرو الليمون ووورد بلدي وريحان بلدي بزهره ونوع تاني متهايلي اللي بيتعمل بيه الاكل ويوجد متايلي زي ثماني انواع مش عارفه اسمهم المهم عشان معرفش ايه هما وايه كيفيه الاعتناء بدات المشاكل سافرت وكان زوجي هو اللي بيهتم بيهم رجعت بعد شهر الحمد لله لقيتهم كلهم شبه ميتين ومتصلبين لدرجه الاعواد بقيت زي البوص الناشف كده المهم ربنا المعوض المخلف بعد كل زهره ماتت لقيت نبته صغيره في كل اصيص سبحان الله والله كل زهره لقيت نبته صغيره تحمل نفس شكل الورقه للنبته السابقه انا مش عارفه ده تفسيره ازي لان ازهري كانت كبيره والزهره اللي مطلعتش نبته تركت ليا زهره نشفه واورقه نشفت ولقيت قلبها نشف مش عرفه ليه اخذتهم وزعتهم اتريها بذور والحمد لله نبتت معايا مع اني رميت اكثرهم والان ظهرت برده عندي فجاه بدون اي مقدمات حب للزراعه وبرده بدون سابق معرفه فا بدات ازع اي حاجه امامي زرعت فول هما ثلاثه حبات وعلي قطنه زي ما اتعلمنا واحنا اطفال ونقلتهم في اصيص فاضي وجبت تربه طينيه وسافرت ورجعت لقيتهم كبرو قوي قوي ماشاء الله طولهم يزيد عن 70ستميتر ولقيت ازهار بيضاء رائعه الجمال انا اتصدمت لما بحثت لقيت ان الزهره الجميله دي هتبقي فول المهم مش بس فيهم حاجه غلط ان سيقان النبته متدلي علي الارض مش واقف مش عارفه ليه ايه السبب ومن ملاحظاتي انه بيحب المياه قوي لازم ارويه كل يوم او من الملاحظ ان اي نبات به وبره علي ورقته بيحب المياه في يوم القيه دبلان واوراقه مكرمشه واول مايشرب مياه يقف ويفرد ورقته سبحان الله وكان عندي زهره كل يوم الاقيها رميه نفسها من الاصيص هي واوراقها بشكل مخيف وكان ليها نفس الملمس الوبري كده ولونه اخضر فاتح يميل للون الرومادي واول ما اشربها تقف تاني هي واوراقها كان شي لم يكن سبحان الله ما علينا زرعت نعناع برده لقيت كام فرع ليهم جذور فا زرعتهم في تربه طينيه وشكلهم اخضر حلو بس مش كبار ولازادو بس طبعا ناويه ازع بنفس طريقه الاستاذه نسيم الفجر وبدات بالفعل المهم من خلال تجربتي لقيت مئات المشاكل وبدات ابحث عن حلولهم المهم من خلال تجربتي لاكتشفت ان موضوع الزراعه او هوايه الزاعه مش موضوع سهل بالعكس صعب جدا وكله مشاكل ومحتاج لخمس اساسيات هامه جدا اولا :تنظيم ، وده صعب في بدايه التجربه بمعني تنظيم الادوات والاماكن وكتابه الانواع واسماء الشتلات ودي اكبر مشكله بتقبلني دلوقتي التنظيم لاني زرعت حاجات كتير ونسيتها لاني كنت لسه بستكشف الموضوع وطلعت ونبتت وشكلها جميل بس معرفش هي ايه يعني ابسط حاجه لسه الان اكتشفت ان يوجد لدي نبته لطماطم بسبب صوره لاحد الاشخاص زرع طماطم وطلعت معاه فافتكرت اني من اكثر من شهر زرعت بذره واحده لطماطم اخذتها من عندي فالمطبخ وقولت اجرب ونسيتها. ثانيا:وتفرغ ،فعلا سبحان الله بياخد كل وقتي مفيش فراغ نهائي وثالثا؛وتركيز ، مفروض اعمل النهارده وايه بكره ايه الخطوه الجايه للزرع وهكذا ورابعا: ومحتاج اكثر لعلم ومعرفه وده مشكله كبيره لان كل شيئ بعلم وبحث واستكشاف وخامسا : ومحتاج اهم حاجه لحب الزرع او الزراعه ودي الحاجه الوحيده اللي عندي من كل ما سبق محتاجه ثلاث معلومات هامه الان اولا التسميد ماهو التسميد المناسب للازهار والورود ونباتات ذات الاوراق الملونه وكيفيه التسميد واكرر التسميد كل كام يوم ؟ وايضا تسميد الخضراوات الورقيه كنعناع وخضروات كبطاطس والطماطم وفواكه كفراوله وايضا الثوم يعني المهم محتاجه سماد لاي حاجه تتاكل ينفع ازعها في البيت عشان بدات ازع اي حاجه في المطبخ وايضا مانوع التسميد ؟واكرر كل كام يوم ؟ انا اشتريت سماد من سوبر ماركت اسمه 2020 ونوع اخر اسمه عناصر صغري واشتريت كيس كبير يوريا معلش حد يساعدني ويشرحلي كيفيه التسميد بطريقه ممبسطه [at]وهل يوجد بديل طبيعي وخصوصا للخضروات
مواضيع مشابهة:
اقتباس